Tökum frestað vegna ágreinings um handrit

Tökum á myndinni A Journey Home, sem byggð er á bókinni Slóð fiðrildanna eftir Ólaf Jóhann Ólafsson, hefur verið frestað fram yfir áramót. Upphaflega stóð til að taka upp myndina í október en nú nýtt tökuplan verður ekki tilbúði fyrr en í vor.

 Að sögn Lárus Halldórssonar hjá Saga-Film kom upp ágreiningur um handritið á milli leikstjórans Liv Ullman og leikkonunnar Jennfer Connelly og var því ákveðið að bíða með að skjóta myndina. Ullmann skrifaði kvikmyndahandritið eftir bók Ólafs Jóhanns.

A Journey Home verður að miklu leyti tekin upp í Reykjavík en að hluta til í öðrum löndum. Myndin verður ein dýrasta íslenska kvikmyndin sem framleidd hefur verið en meðal framleiðenda eru Saga-Film og Steve Haft sem framleiddi meðal annars kvikmynda Dead Poet Society með Robin Williams í aðalhluverki.