Giftist Keith Urban

Leikkonan Nicole Kidman giftist sveitasöngvaranum Keith Urban í kirkju í Sydney í heimalandi sínu Ástralíu um helgina.

Við viljum þakka öllum Áströlum og öllum hinum sem hafa sent okkur hlýjar kveðjur, sagði í yfirlýsingu þeirra.

Á meðal þeirra sem mættu í brúðkaupið voru Ástralinn Hugh Jackman, fjölmiðlamógúllinn Rupert Murdoch og leikkonan Naomi Watts sem er einnig frá Ástralíu.

Þetta er fyrsta hjónaband Urbans, sem er 38 ára. Kidman, sem er ári eldri, var áður gift leikaranum Tom Cruise í áratug. Ættleiddu þau saman börnin Connor og Isabelle. Cruise á nú barn með leikkonunni Katie Holmes.