43% segjast ekki hafa fengið lögbundnar launahækkanir

Capacent-Gallup gerði könnun fyrir félagsmenn í verkalýðsfélögum. Þegar spurt var á Norðurlandi : Fékkstu launahækkun þann 1. júlí í samræmi við samkomulag Samtaka atvinnulífsins og ASÍ, sögðu 43% launafólks hjá verkalýðsfélaginu Einingu-Iðju nei. Þetta er langstærsta stéttarfélagið utan höfuðborgarsvæðisins. Séu svörin greind nánar virðist einkum pottur brotinn hjá yngstu aldurshópunum og þá aðallega í hótel- og veitingageiranum.

Björn Snæbjörnsson formaður Einingar-Iðju segir þetta stórmál. Svipaðar niðurstöður séu í öðrum landshlutum og tölurnar komi mjög á óvart.

Ásgeir Magnússon hjá Skrifstofu atvinnulífsins telur ólíklegt að þessar niðurstöður í könnuninni séu sannleikanum samkvæmt.