Brúðkaup á felustað Mussolinis

Miklar vangaveltur hafa verið yfir meintu brúðkaupi stjörnuparsins Tom Cruise og Katie Holmes. Nú hefur verið staðfest að parið muni gifta sig á Ítalíu en ekki í húsi leikarans George Clooney við Como-vatn eins og fjölmiðlar voru búnir að greina frá. Holmes mun hafa fundið lúxushótel við Gardavatn og búið er að panta staðinn fyrir stjörnubrúðkaupið, sem fer fram 17. nóvember næstkomandi.

En hótelið hefur sína sögu því það er talið hafa verið felustaður ítalska einræðisherrans Benito Mussolini í kringum seinni heimsstyrjöldina. Þó að Holmes hafi verið greint frá þessu er hún staðráðin í að játast Cruise á þessum stað. Það mun hafa verið góðvinkona hennar Victoria Beckham sem benti henni á þetta hótel, sem er hið glæsilegasta.