Beckham-hjónin í mínus

Fótboltafrúin og fyrrum söngkonan Victoria Beckham er í mínus þessa dagana yfir að hafa óvart misst út sér við papparazzi-ljósmyndara á Heathrow-flugvelli að sonur hennar Romeo þjáist af flogaveiki. Beckham-hjónin hafa leynt þessu fyrir fjölmiðlum í nokkra mánuði og er Victoria með mikið samviskubit yfir að hafa látið þetta út úr sér.

 Hún var hrædd um að flassið í myndavélum ljósmyndaranna hefðu vond áhrif á Romeo og því sagði hún þeim frá þessu svo ljósmyndararnir myndu hætta að mynda fjölskylduna. David og Victoria Beckham eiga þrjá syni og Romeo er næstelstur þeirra.