Flottar skólapeysur

Menntaskólinn Hraðbraut hefur eignast óvenju flottar skólapeysur. Um er að ræða hettupeysur í þremur litum með skemmtilegu grafísku merki að framan og aftan og nafni skólans á hettunni. Flestir framhalds- og menntaskólar eru með eigin peysur en ég held mér sé óhætt að fullyrða að okkar peysur séu mest hipp og kúl. segr Sigríður Stella Guðbransdóttir, nemi í skólanum og hvatamaður að tilvist peysanna.

 Aðrar skólapeysir eru bara með merki skólans á brjóstinu, eru fjöldaframleiddar og frekar ljótar. Mig langaði til þess að nemendur Menntaskólans Hraðbraut fengju flottari peysur til að ganga í og leitaði því til fatahönnuðarins Söru Maríu Eyþórsdóttur, verslunareiganda Nakta apans og fékk hana í samstarf með okkur.

Það var graffarinn Ólafur Orra Guðmundsson sem hannaði myndirnar sem prýða peysurnar en þær sýna Reykjavíkurborg í ýmsum myndum en myndirnar voru síðan þrykktar á peysurnar í Nakta apanum. Nemendur skólans hafa tekið vel í þessa nýjung og um helmingur skólans hefur nú þegar fest kaup á peysu. Mikil umræða hefur verið um skólabúninga í grunnskólum landsins að undanförnu og segist Sigríður Stella vera fylgjandi slíkum klæðnaði. Það að geta bara skellt sér í sína skólapeysu einfaldar allt svo mikið. Við völdum líka að nota hettupeysur sem eru mikið í tísku um þessar mundir en þær eru ekki bara flottar heldur líka hlýjar og þægilegar þannig að nemendum finnst gott að nota þær í skólann.