Krefjast þess að gögnin verði gerð opinber

Eftirlitsstofnun EFTA aflétti í dag trúnaði af skjölum sem varða umfjöllun stofnunarinnar um frumvarp sem menntamálaráðherra lagið fram um ríkisútvarpið á vorþingi 2005. Stjórnarandstaðan krafðist þess að gögnin yrðu gerð opinber.

Upphaflegt frumvarp menntamálaráðherra var lagt fram á vorþingi 2005 og var þá gert ráð fyrir að ríkisútvarpið yrði gert að sameignarfélagi í eigu ríkisins. ESA var sent erindi vegna frumvarpsins. Fram kom að stofnunin teldi að sameignarfyrirkomulagið leiddi til ólögmæddra ríkisstyrkja þar sem ríkið tæki á sig ótakmarkaða ábyrgð á öllum skuldbindingum ríkisútvarpsins. Þess vegna hefur menntamálaráðherra talað um að hlutafélagavæðing RÚV kæmi ein til greina. Stjórnarandstaðan hefur krafist þess að sjá gögnin frá ESA til að ræða málið frekar. Formaður menntamálanefndar, Sigurður Kári Kristjánsson og Mörður Árnason, fulltrúi minnihlutans í nefndinni tókust á um málið á NFS í dag eftir að leyndinni hafði verið aflétt af gögnunum.

Þingmennirnir tveir tókust reyndar einnig á í morgun áður en að leyndinni um gögnin hafði verið aflétt. Gerðist það þegar Sigurður Kári hóf óvænt máls á að þingmenn stjórnarandstöðunnar í menntamálanefnd hefðu fúlsað við gögnunum frá ESA undir liðnum störf þingsins. Þá var Mörður staddur á skrifstofunni sinni handa Austurvallar. Vildi hann svara fyrir sig og fór á hlaupum yfir völlinn með hálstau í hendi og batt hann bindishnútinn móður og másandi áður en hann gat stigið í pontu eins og venja og hefð gerir ráð fyrir.

Sjá má fréttina í heild sinni á VefTíVí Vísis.