Lachey hafnað

Söngvaranum og hjartaknúsaranum Nick Lachey var hafnað um daginn af hinni fögru Vanessu Minnillo. Lachey mun hafa borið upp bónorð, en parið er búið að vera saman síðan fyrr á þessu ári, en Minnillo fannst það vera of snemmt.

Lachey er nýskilinn við söngkonuna Jessicu Simpson og er talið að ástæðan fyrir skilnaðinum sé sú að Simpson varð frægari en Lachey sem fór ekki vel í kappann.

Hann mun vera hræddur um að það sama gerist í þetta sinn og ætlar sér því að klófesta Minnillo áður en frægðin stígur henni til höfuðs en hún er kynnir á sjónvarpsstöðinni MTV.