Milljarðar boðnir í kynlífsmyndband

Kevin Federline, fyrrverandi eiginmaður Britney Spears, býður nú hæstbjóðanda til sölu kynlífsmyndband með sér og Britney til að hefna sín á henni eftir að hún sótti um skilnað. Hafa honum þegar verið boðnir tæpir 3,4 milljarðar króna fyrir myndbandið af kvikmyndafyrirtæki nokkru. Vill það dreifa því á netinu til að allur umheimurinn geti séð hvað fór fram í svefnherberginu hjá þeim.

Myndbandið var tekið upp skömmu eftir að Kevin og Britney byrjuðu saman og sýnir þau í alls kyns ástarleikjum. „Þetta myndband er rosalegt og Kevin veit af því,“ sagði kunningi parsins fyrrverandi. Britney óttast mjög að myndbandið muni eyðileggja ímynd hennar og svo gæti farið að hún samþykki kröfu K-Fed um að hann fái rúma tvo milljarða króna vegna skilnaðarins.

Komið hefur í ljós að Britney sótti um skilnaðinn eftir að hún kom að honum í rúminu með annarri konu. Áður hafði hann verið sakaður um að hafa sofið hjá vændiskonum.