Neitað af Lohan

Söngvarinn og sjarmatröllið Robbie Williams lendir ekki oft í því að konur neiti honum en það gerði hin unga leikkona Lindsay Lohan á dögunum. Atvikið átti sér stað á næturklúbbi í Lundúnum þar sem Lohan og Williams voru bæði stödd ásamt fylgdarliði. Williams gekk upp að Lohan og hvíslaði einhverju í eyra hennar en viðbrögð hennar voru lítil sem engin og gekk Williams greyið út af staðnum stuttu síðar, rauður í framan með skottið milli lappana, að sögn sjónarvotta.