Kjarnorkusprengja

Nú hefur poppdrottningin ástralska, Kylie Minogue, talað í fyrsta sinn um krabbameinið sem hún þjáðist af á síðasta ári. „Þetta er eins og að verða fyrir kjarnorkusprengingu. Ég held að allir sem hafa orðið fyrir barðinu á þessum sjúkdómi viti hvað ég er að tala um.

Það er erfitt að lýsa þessu með öðrum orðum,“ segir Minogue en hún greindist með sjúkdóminn á síðasta ári og lítið hefur heyrst frá henni síðan. Nú er söngfuglinn hins vegar allur að koma til og er að undirbúa nýja plötu sína. „Það er samt ótrúlegt hvað maður fer að meta meira þessa venjulegu hluti eins og að fara í göngutúr og kaupa kaffi. Ég naut þess í botn þegar ég var lasin.“