Byrjaði fjögurra ára

Rokkarinn Courtney Love hefur lýst því yfir að hún hafi fyrst smakkað eiturlyf aðeins fjögurra ára gömul. Þetta segir hún í viðtali við tónlistartímaritið Rolling Stone og kemur þar meðal annars fram að það hafi verið vegna tilstilli föður hennar sem var að hennar sögn „að fikta við að búa til eiturlyf“.

„Ég er þeirrar skoðunar að þessi reynsla mín sem barn hafi frelsað áruna mína og gert það að verkum að ég er svona í dag,“ segir Courtney en hún hefur verið inn og út af meðferðarstofnunum vegna áfengis- og eiturlyfjamisnotkunar í langan tíma.

Love er þó alveg edrú um þessar mundir og er að undirbúa útgáfu á ævisögu sinni „Dirty blonde: The diaries of Courtney Love”.