Hannar Puma-skó

Hátískuhönnuðurinn Alexander McQueen frumsýndi nýju skólínu sína fyrir íþróttamerkið PUMA í fyrrakvöld. Þetta var gert með glæsilegri viðhöfn í Carla Sozzani listasafninu í Mílanó.

Hönnun McQueen var ekki einumgis frumsýnd því einnig var sýnd heimildamynd um samvinnu hans og Nick Knight, aðalhönnuður Puma, við gerð skósins. Skórinn ber nafnið ManCat og er væntanlegur í búðir í haust. McQueen er ekki fyrsti fatahönnuðurinn til að hanna íþróttavörur en stalla hans Stella McCartney hefur verið að hanna línu fyrir Adidas.

Alexander McQueen er iðinn þessa dagana því hann hélt einnig tískusýningu á herrafatnaði fyrir vor/sumar"07 í Mílanó en nú stendur yfir tískuviku þar á bæ.