Axl Rose í steininn

Axl Rose, söngvari rokksveitarinnar Guns N"Roses var handtekinn í Stokkhólmi fyrir að bíta öryggisvörð í fótinn í slagsmálum sem brutust út á hóteli.

Rose var handtekinn vegna gruns um að hafa ráðist á og hótað öryggisverðinum og fyrir að hafa valdið skemmdum á Berns-hótelinu. Hann var talinn of ölvaður til að geta farið í yfirheyrslu, sagði talsmaður lögreglunnar.

Meðlimir Guns N"Roses héldu tónleika í Globe-höllinni í Stokkhólmi á mánudagskvöld og fóru síðan í partí á næturklúbbi eftir. Ekki er vitað hvað olli slagsmálunum en samkvæmt sænskum slúðurblöðum reyndi öryggisvörðurinn að skrerast í leikinn þegar hinn 44 ára Rose átti í rifrildi við konu í anddyri hótelsins.