Nýr ilmur frá Cartier

Cartier-tískuhúsið hefur sett nýjan ilm á markað. Cartier hefur getið sér gott orð innan tískuheimsins fyrir fallega skartgripi og fylgihluti og er þekkt fyrir að hanna skartgripi á kóngafólkið enda slagorð fyrirtækisins kings of jewelleries, jewelleries for kings.

Cartier ákvað að bæta nýrri fjöður í hattinn sinn og er ilmvatnið ekki aðeins vel lyktandi því glasið er einnig einstaklega fallegt. Rautt og glært glasið með frosna morello kirsuberinu sem tappa gerir glasið ómissandi á snyrtiborðið. Ilmvatnið ber nafnið Délices og er ilminum lýst sem kvenlegum, fáguðum, nýtískulegum og kynþokkafullum. Ávaxtakeimur og austurlenskur kryddilmur eru undirstöður ilmsins og fæst hann í öllum helstu snyrtivöruverslunum landsins.