Lisa Kudrow aftur til liðs við NBC

Vinurinn fyrrverandi, Lisa Kudrow, hefur gert samning um að vinna að hugmyndum fyrir bandarísku sjónvarpsstöðina NBC, sem framleiddi gamanþáttinn Friends á árunum 1994 til 2004.

Kudrow, sem fór eftirminnilega með hlutverk Phoebe í Friends, mun leggjast í hugmyndavinnuna með framleiðandanum Dan Bucatinsky. Svo getur farið að hún í framhaldinu muni taka að sér hlutverk í nýjum þáttum fyrir NBC.

Kudrow, sem er 42 ára, lék síðast í þættinum The Comback fyrir framleiðandann HBO en hann var tekinn af dagskrá eftir aðeins eina þáttaröð. Bucatinsky var einmitt einn af framleiðendum þáttarins.

Þau mynda gott teymi og vinna afar saman. Hún er bæði frábær leikari og framleiðandi og hann er mjög góður handritshöfundur, sagði Shelley McCrory, sem er varaforseti gamanþáttadeildar NBC.