Miðasala hafin

Miðasala er hafin á tónleika rokksveitarinnar Ham í Nasa þann 29. júní. Ham lagðist í dvala eftir tónleika í Tunglinu árið 1994. Eftir það kom sveitin aftur saman þegar hún hitaði upp fyrir Rammstein í Laugardalshöllinni fyrir fimm árum auk þess sem hún spilaði á Hætta-tónleikunum í Höllinni þann 7. janúar síðastliðinn.

Á tónleikunum á Nasa mun sveitin spila ný lög í bland við gömul. Miðasalan fer fram í verslunum Skífunnar og í völdum BT-verslunum. Hljómsveitin 9/11"s mun hita upp fyrir Ham á tónleikunum. Miðaverð er 2000 krónur.