Tíminn tvinnaður

Listasafn Reykjanesbæjar stendur fyrir alþjóðalegri listasýningu sem ber heitið „Tíminn tvinnaður“ en hér er á ferðinni listhópurinn Distill sem samanstendur af sjö nútímalistamönnum sem búsettir eru í borgum víða um heim.

Í sýningarskrá segir listfræðingurinn Cecilia Foote, „á sýningunni má sjá margbrotnar bollaleggingar á hugtökunum tími og endurtekning. Þó að myndlistarmennirnir vinni í þessum málefnum fyrirbærafræðanna er útkoman hins vegar samansafn þess besta úr mörgum fræðum og full af andagift“.

Listamennirnir sem sýninguna skipa í Reykjanesbæ eru, Amy Barillaro, Ann Chuchvara, Hrafnhildur Sigurðardóttir, Jaeha Yoo, Julie Poitras Santos, Patricia Tinajero Baker og Tsehai Johnson. List þessarra einstaklinga spannar sviðið frá tvíviðum hlutum í skúlptúra og innsetningar.

Menningarfulltrúi Reykjanesbæjar, Valgerður Guðmundsdóttir segir „verkin á sýningunni unnin úr margvíslegum efnivið og m.a. megi sjá þarna verk unnin úr ýmsum endurnýjanlegum efnum“.

Sýningin verður opnuð í dag í Duushúsum og stendur til 20. ágúst. Hún er opin alla daga frá kl. 13-17.30.