Mein Kampf í undirbúningi

Nú stendur yfir samlestur á bókasafni Borgarleikhússins þar sem leikendur æfa stíft leikritið Mein Kampf eftir George Tabori, eitt merkasta skáld síðustu aldar.

Leikritið er í gamansömum dúr en það fjallar um ungan myndlistarnema, Adolf Hitler sem kemur til Vínar til að sækja um skólavist en honum er hafnað. Tveir gyðingar á pensjónati taka hann að sér og hvetur annar hann til að leggja stjórnmál fyrir sig. Frú Dauði vitjar hans, ekki til að nema á brott heldur til að ráða hann í vinnu.

Þýðandi er Gísli Rúnar Jónsson og leikstjóri Hafliði Arngrímsson.

Persónur og leikendur: Hitler, Bergur Þór Ingólfsson, Herzl, Þór Tulinius, Lobówitz, Guðmundur Ólafsson, Gréta, Marta Nordal, Konan með ljáinn, Hanna María Karlsdóttir og Himmlisch, Björn Ingi Hilmarsson.

Mein Kampf verður frumsýnt í Borgarleikhúsinu í lok september.