Helgin okkar...

Föstudagstónleikar

Á föstudag mun hljómsveitin Todmobile halda tónleika á Nasa og Jet Black Joe spilar á Gauki á Stöng. Þeir sem hafa ekki gaman af útitónleikum geta því fengið sinn tónleikaskammt á 16. júní.

Tónleikar á Arnarhóli

Á 17. júní munu Nylon, Ampop, Á móti sól og Dr. Spock meðal annarra koma fram á tónleikunum á Arnarhóli sem hefjast kl. 18.00 og lýkur 22.00.

BíóGeimverumyndin Slither kemur í kvikmyndahúsin á föstudag. Þeir sem vilja meira léttmeti gætu haft gaman af myndinni Take the Lead þar sem Antonio Banderas tekur nokkur dansspor.

ThorsplanÍ Hafnarfirði verða tónleikar og skemmtun á Thorsplani á 17. júní frá 20.00 til 24.30. Helga Braga, Love Guru, Björgvin Franz og Nylon eru meðal þeirra sem ætla að skemmta þjóðhátíðargestum.

Landsleikur í handboltaEf veðrið er leiðinlegt er kjörið að fagna 17. júní með því að horfa á landsleik Íslands og Svíþjóðar á laugardag. Leikurinn hefst kl. 17.15 og má búast við æsispennandi leik miðað við fyrri leik liðana.

Kósí sunnudagurEftir hátíðahöldin á 17. júní er ágætt að slappa vel af á sunnudag, sérstaklega ef veðrið er landanum ekki hliðhollt. Fréttablaðið mælir með eplakökunni í blaðinu í dag og heitu kakói með.