Reyndu að halda jólabrennu í Grindavík

Ungmenni í Grindavík virðast hafa haft það siðs allt frá árinu 2000 að kveikja bál á Jóladagskvölds. Í gærkvöldi átti þar engin undantekning að verða en fólkið safnaðist saman við skrúðgarðinn Sólarvé skammt frá sundlauginni. Þar var hlaðið upp spýtnabraki og ýmsu drasli, eldfimum vökva síðan skvett á og kveikt í. Bálið varð þó aldrei mikið því lögreglan handtók 21 árs pilt á staðnum eftir að hann hafði skvett vökvanum eldfima á bálköstinn þrátt fyrir fyrirmæli lögreglu um að slíkt væri bannað. Piltur var færður til lögreglustöðvar en honum síðan sleppt eftir skýrslutöku. Ungi maðurinn má búast við sekt fyrir uppátækið, að sögn lögreglu. Veitingamaður einn í Grindavík virðist einnig hafa ætlað að auka á fjörið með því að hafa skemmtistað sinn opinn, þrátt fyrir að slíkt sé bannað á Jóladag, en árvökulir löggæslumenn veittu því athygli og var veitingamanninum gert að loka og slíta skemmtuninni.