Risabor við Kárahnjúka snúið við

Verktakar við aðrennslisgöng Kárahnjúka hafa orðið að stöðva einn risaborinn vegna vatnsaga og jarðfræðilegra erfiðleika og verður bornum snúið við. Gangnagerðin ætti þrátt fyrir það og aðra erfiðleika í göngunum að geta staðist áætlun, ef ekkert fer úrskeiðis úr þessu, að sögn Landsvirkjunar. Bornum verður snúið við en hann átti eftir um kílómetra legg af sínum göngum, og verður sá kafli nú sprengdur með eldri og seinvirkari aðferðum. Margar vikur mun taka að snúa bornum við en að því búnu á hann að bora á móti örðum bor. Sá hefur tafist í nokkrar vikur vegna lausra jarðlaga, en fór aftur af stað um síðustu helgi. Allt gengur hinsvegar vel hjá þriðja bornum, en hann tafðist í mánuð í vetur vegna lausra jarðlaga og vatnsaga. Mikill vatnsagi er nú einum göngunum svo vatnar yfir járnbrautarteinana þar, og flæða umþaðbil 800 lítrar á sekúndu út úr þeim. Nú er búið að bora gat frá yfirborði niður í göngin og á að dæla megninu af vatninu þar upp og sleppa þí út í Gúmsstaðá, sem rennur á yfirborðinu fyrir ofan göngin. Að sögn Sigurðar Arnaalds hja Landsvirkjun var reiknað með að nokkrir mánuðir færu í tafir vegna jarðfræðilegra erfiðleika. Sá tími er ekki enn uppurinn, þrátt fyrir tafirnar, og ef að allt gengur að óskum ætti borun að ljúka síðsumars á næsta ári, en þá tekur við frágangsvinna þar til heypa á vatni á göngin í jánúar árið 2007.