Tyrkneskum gíslum sleppt í Írak

Þremur tyrkneskum verkfærðingum, sem höfðu verið í haldi mannræningja í Írak í tvo mánuði, var sleppt í gær og eru þeir þegar komnir til heimalands síns. Frá þessu greina tyrkneskir fjölmiðlar í dag. Mannræningjarnir höfðu farið fram á það að fyrirtækið sem verkfræðingarnir unnu hjá hætti starfsemi í Írak en ekki er ljóst hvort fyrirtækið hafi orðið við þeim kröfum og þannig greitt leiðina fyrir lausn gíslanna. Um 200 útlendingum hefur verið rænt í Írak frá því að ráðist var inn í landið árið 2003, en mannræningjar hafa oftar en ekki beint sjónum sínum að starfsmönnum fyrirtækja sem vinna fyrir hernámsliðið í landinu.