Lítil ástæða til bjartsýni

"Þetta er að flestu leyti eins og við var að búast og við höfðum spáð fyrir um," segir Kristján Kristinsson hjá Hafrannsóknarstofnun. Frumniðurstöður úr stofnmælingu botnfiska á þessu hausti gefa litla ástæðu til bjartsýni.

"Stofnvísitala þorsksins hefur minnkað enda er árgangurinn frá 2001 að koma inn í veiðina en sá mældist mjög lélegur. Ýsan mælist einnig minni en áður en við höfum engar sérstakar skýringar á því en hafa ber í huga að um frumniðurstöður er að ræða. En í þeim er ekkert til að hrópa húrra yfir."