Beðinn um að syngja Bond-lag

Söngvarinn Robbie Williams hefur verið beðinn um að flytja titillag næstu James Bond-myndar. Tony Christie hefur þegar samið lagið og hann segir að rödd Robbie henti laginu fullkomlega.

"Rödd Robbie myndi passa mjög vel. Hann er líka afar vinsæll núna og þess vegna myndi það passa vel ef hann tæki verkefnið að sér. Ég er mikill aðdáandi gamalla 007-laga eins og Goldfinger með Shirley Bassey og Thunderball með Tom Jones og þess vegna reyndi ég að semja lag sem endist vel og lengi," sagði Christie.