Icelandair hættir við SAS

Icelandair hefur skipt um afgreiðslufyrirtæki á flugvöllum á Norðurlöndum. Félagið er hætt að skipta við SAS eins og verið hefur. Þess í stað munu fyrirtækin Servisair og Nordic Aero sjá um afgreiðslu farþega og farangurs fyrir flug félagsins. Reiknað er með að á allra næstu dögum liggi fyrir hvort Fl Group kaupi Sterling, en samkvæmt heimildum fréttastofu verður það ekki í dag. Forráðamenn SAS hafa hins vegar lýst því yfir að félagið myndi hætta samvinnu við Icelandair á Norðurlöndum, fari svo að Icelandair keypti Sterling flugfélagið.