Minnsta atvinnuleysið í fjögur ár

Avinnuleysi á landinu hefur ekki verið minna í fjögur ár miðað við mælingar í septermánuði og langtímaatvinnuleysi minnkar hratt samkvæmt upplýsingum Alþýðusamnbands Íslands. Meðalfjöldi atvinnulausra í mánuðinum var 2.267, sem rúmlega 500 færra en í ágúst mánuði, og rúmlega 1600 manns færra en í september í fyrra. Færri hafa ekki sést á atvinnuleysisskrá síðan í nóvember árið 2001. Atvinnulausum hefur þannig fækkað jafnt og þétt um allt land utan Vestfjarða en þar bættust sex nýir á skrá yfir atvinnulausa í síðasta mánuði. Athygli vekur að þrátt fyrir þessa fækkun fólks á atvinnuleysisskrá og fækkun þegar litið er til allra hópa þá minnka atvinnuleysið minnst hjá fólki eldra en 60 ára. Hlutdeild langtímaatvinnulausra, það er þeirra sem verið hafa á skrá um og yfir hálft ár, hefur minnkað úr 31% í 29%. Langtímaatvinnulausir nú eru 707 en voru 832 fyrir mánuði og helmingi fleiri á sama tíma fyrir ári. Laus störf eru nú tæplega 1800 á landinu öllu. flest laus störf eru á austurlandi, eða 615. Lausum störfum fækkaði um rúmlega eitt hundrað á milli mánaða.