18 mánuðir og 3,3 milljónir

Héraðsdómur Reykjaness dæmdi Ramsay í átján mánaða fangelsi, þar af fimmtán mánuði skilorðsbundna til þriggja ára, auk þess að greiða 3,3 milljónir í útfararkostnað, skaðabætur, sakarkostnað og lögmannskostnað. Í aðalmeðferð málsins fyrir rétti sagði Ramsay, sem er þrítugur Skoti, afbrýðisemi og ölvun hafa valdið því að hann veitti Dananum höggið, en sá síðarnefndi hafði áreitt konu Ramsays allt kvöldið. Ramsay og kona hans, sem er íslenskur ríkisborgari, höfðu farið út að skemmta sér með félögum hans úr knattspyrnudeild Keflavíkur og eiginkonum þeirra, og var þetta í fyrsta sinn sem þau fóru út saman eftir fæðingu fatlaðs sonar þeirra sjö mánuðum fyrr. Tolstrup hóf að áreita konu Ramsays á einu veitingahúsi, svo parið flutti sig yfir á Traffic, en Daninn elti þau þangað og hélt áfram uppteknum hætti. Ramsay sagðist hafa reiðst snögglega eftir að kunningjakona hans benti honum á athæfi Tolstrups. Hann snaraðist að Dananum og sló hann einu hnefahöggi á hægri kjálka. „Ég varð svo reiður vegna þess að þessi maður vissi að ég var með konunni minni,“ sagði Ramsay niðurlútur við aðalmeðferð málsins. Hann virtist mjög miður sín yfir atburðinum, og sagði lögreglu að hann hafi aldrei áður lagt hendur á nokkurn mann. Eftir höggið yfirgaf Ramsay staðinn og hélt heim ásamt konu sinni. Hann sagðist hafa verið kominn í skó og verið á leið á lögreglustöðina til þess að gefa sig fram þegar lögreglan sótti hann. Bæði Tolstrup og Ramsay voru undir áhrifum áfengis þetta kvöld. Tolstrup var í danska flughernum,