Hóphjólreið niður í miðbæ

Um hundrað manns hjóla nú sem leið liggur niður Laugaveginn og stefna að Hljómskálagarðinum í hóphjólreið sem efnt var til í tilefni af hjóladegi samgönguvikunnar í borginni. Hjólalestir lögðu af stað frá Spönginni í Grafarvogi, Árbæjarsafni, ísbúðinni við Hjarðarhaga og verslunarmiðstöðinni Firði í Hafnarfirði og mættust í Nauthólsvík, en þaðan hjóluðu allir saman að Hlemmi, þaðan niður Laugaveginn og enda við Hljómskálagarðinn sem fyrr segir. Klukkan hálfjögur verður svo Tjarnarspretturinn sem hjólreiðakeppni sem bestu hjólreiðamenn landsins taka þátt í. Hjólað er í kringum Tjörnina og verður nokkrum götum kringum Tjörnina lokað á meðan keppnin fer fram. Þess má geta að þetta er í fyrsta sinn síðan 1926 sem hjólreiðakeppni fer fram í miðborg Reykjavíkur.