Óttast pólitík í RÚV

Margrét Sverrisdóttir, formaður Hollvinasamtaka Ríkisútvarpsins, óttast að nýr útvarpsstjóri verði ekki ráðinn á faglegum forsendum heldur pólitískum. "Það eru ýmis sólarmerki á lofti sem vekja okkur ugg. Til dæmis er hvorki gerð krafa um reynslu af fjölmiðlun né menningarlega sýn í auglýsingu um starfið," segir Margrét sem þó tekur fram að hún telji Þorgerði Katrínu Gunnarsdóttur menntamálaráðherra hafa metnað fyrir hönd Ríkisútvarpsins. Samtökin skora á fólk með víðtæka reynslu af fjölmiðlun og menningarlegan metnað að sækja um starfið. Umsóknarfrestur rennur út á fimmtudag.