Hlekktist á í lendingu á Flúðum

Flugvöllurinn á Flúðum var lokaður fram eftir degi í gær eftir að konu hlekktist þar á í lendingu eins hreyfils Cessna flugvélar í gærmorgun. Vélin endaði utan vallar, en konuna, sem var ein á ferð, sakaði ekki. Þá kemur fram í tilkynningu Flugmálastjórnar að vélin hafi lítið skemmst. Völlurinn var opnaður aftur klukkan fjögur síðdegis, að lokinni rannsókn á vettvangi. Vélin fór frá Reykjavík rétt eftir klukkan sjö í gærmorgun og ætlaði konan að lenda á Selfossi, Flúðum, Bakka og í Múlakoti, áður en haldið yrði til lendingar í Reykjavík aftur klukkan hálf tíu.