Regnbogabörn fordæma fjölmiðla

Samtökin Regnbogabörn fordæma þá fjölmiðla sem hafa það að markmiði sínu að meiða æru þjóðþekktra einstaklinga í landinu og telja að það komi engum að gagnin og allir tapi. Yfirlýsingin kemur í kjölfar viðtals við Bubba Morthens í fréttum Stöðvar 2 í gær, þar sem hann gagnrýndi vinnubrögð tímaritsins Hér og Nú og sagðist ætla í skaðabótamál. Í yfirlýsingu frá samtökunum segir að auðvelt sé að setja sig í spor barna Bubba og Brynju og þeirra barna sem að málinu koma. Þar segir að umfjöllunin sé forkastanleg og ýti undir að börnin verði fyrir aðkasti og útilokun.