Randolph ekki meira með

Lið Portland Trailblazers hefur orðið fyrir mikilli blóðtöku í NBA deildinni, því í gær var ljóst að Zack Randolph, besti leikmaður liðsins verður ekki meira með liðinu á tímabilinu. Randolph er meiddur á fæti og þarf í uppskurð, sem gerir það að verkum að kappinn verður ekki meira með á þessu tímabili.  Þetta er liðinu mikið áfall og menn hafa gengið svo langt að segja að með þessu sé slakt ár hjá liði Blazers endanlega farið í klósettið. Liðið á litla sem enga möguleika á sæti í úrslitakeppninni og fátt blasir við liðinu annað en gott sæti í nýliðavalinu í sumar.