Baktalaði Leo við Leo

Leonardo DiCaprio leið frekar illa þegar hann var staddur í matvöruverslun á dögunum og kona kvartaði yfir honum við hann sjálfan án þess að vita við hvern hún var að tala. "Ég fór í matvöruverslun með derhúfu og sólgleraugu og á einu tímaritinu var mynd af mér á forsíðunni. Ég var fyrir aftan konu við afgreiðsluborðið sem sneri sér að mér og sagði: "Þarna er hann aftur, þessi Leonardo DiCaprio. Vildirðu ekki óska þess að hann myndi bara hverfa?" Þetta var augnablikið sem ég annaðhvort ætti að nota til þess að spyrja konuna hvort hún viti ekki hver ég sé, eða draga húfuna lengra niður, borga fyrir hneturnar mínar og drífa mig í burtu," sagði Leo sem valdi seinni kostinn og lét ekki í ljós hver hann væri.