Heldur ekki framhjá án leyfis

Will Smith segist aldrei myndu halda framhjá konu sinni, Jada Pinkett-Smith, án þess að biðja hana um leyfi. "Okkar sjónarmið er það að við þurfum ekki að forðast það sem er eðlilegt. Það laðast allir að öðru fólki en makanum af og til," segir Smith en tekur þó fram að hann myndi aldrei halda framhjá án þess að fá leyfi til. "Ef að því kemur að við löðumst að einhverjum öðrum þá getum við sagt við hvort annað: Sko, ég þarf að sofa hjá annarri manneskju en ég ætla ekki að gera það nema þú samþykkir það - en viltu vinsamlegast samþykkja það fyrir mig." Smith segir þetta aðeins snúast um það hvort maður geti staðið við orð sín eða ekki. Einnig segir hann mörg pör hafa leitað til hans og Jadu fyrir hjónabandsráðleggingar og þar á meðal stjörnupörin Tom Cruise og Nicole Kidman og Bruce Willis og Demi Moore, bæði áður en þau skildu.