Hundarnir eru skyggn

Jackie Stallone, móðir Sylvester Stallone, trúir því að hundarnir hennar búi yfir skyggnishæfileikum því þeir hafi spáð fyrir um sigur George Bush í bandarísku forsetakosningunum. Hún segist hafa áttað sig á því að Doberman hundarnir hennar væru skyggn þegar þeir fóru að sofa á bænamottu. "Mér var gefin þessi bænamotta og hundarnir fóru að sofa á henni. Þetta var í kringum kosningarnar árið 2000. Alltaf þegar George W. Bush kom í sjónvarpið þá færðist eins konar bros yfir andlit hundanna. En þegar Al Gore kom þá urðu þeir niðurdregnir og löbbuðu út úr herberginu. Bush var kosinn og hundarnir reyndust hafa rétt fyrir sér," sagði mamma Sylvesters.