Leðurblökumaðurinn á Íslandi

Myndskeið úr stórmyndinni Upphaf Leðurblökumannsins eru nú sýnd í kvikmyndahúsum um allan heim. Þar sést ofurhetjan meðal annars spóka sig í rammíslensku landslagi. Myndskeiðin sýna Leðurblökumanninn, sem Christian Bale leikur, ásamt leikaranum Liam Neeson við Vatnajökul. Í myndinni er uppruni ofurhetjunnar skoðaður. Bruce Wein, sem er hið raunverulega nafn Leðurblökumannsins, ferðast um heiminn í leit að leiðum til að berjast gegn óréttlæti. Foreldrar hans hafa nýverið verið myrtir og þegar hann snýr aftur heim til Gotham-borgar verður hliðarsjálf hans til, leðurblökumaður sem berst gegn glæpum. Kvikmyndin verður tekin til sýningar í sumar.