Minnistöflurnar björguðu lífi mínu

Mikið hefur borið á umræðu um minnistöflurnar Fosfoser Memory upp á síðkastið en töflurnar voru valdar fæðubótaefni ársins í Finnlandi árið 2002. Töflurnar eru framleiddar úr sojabaunum sem hafa ekki verið genabreyttar og samkvæmt Jakob Gidin, lækni og sérfræðingi í öldrunarsjúkdómum, hjálpa töflurnar alsheimer sjúklingum við að bæta skammtímaminnið og henta einnig ungu athafnafólki sem vill ná langt á öllum sviðum sem og börnum með athyglisbrest og ofvirkni og fólki á öllum aldri sem er haldið lesblindu. Kvíðinn strokaður út "Ég kynntist minnistöflunum í gegnum gamlan mann sem sagðist hafa gefið konunni sinni þær og gat eftir það í fyrsta skiptið í langan tíma talað við hana aftur," segir Sigurbjörg Eyjólfsdóttir listakona sem segir töflurnar hafa bjargað lífi hennar einnig. Sigurbjörg segir allan kvíða hafa horfið en hún hafði verið kvíðasjúklingur í langan tíma. "Mér hafði liðið eins og fólki sem lendir í einelti og það merkilega var að kvíðinn hvarf eins og hann hefði verið strokaður út með strokleðri. Nú á ég mun betur með að muna nöfn og rifja upp gamla tíma en stærsti hlutinn er kvíðatilfinningin." Lestu ítarlegra viðtal við Sigurbjörgu í tímaritinu Magasín sem fylgir DV í dag.