Ellen eftirsótt

Ástin getur reynst dýrkeypt, að minnsta kosti hjá leik- og sjónvarpskonunni Ellen DeGeneres en hún og nýja kærasta hennar, Portia De Rossi, eiga yfir höfði sér málaferli vegna reiði og afbrýðisemi fyrrverandi kærustu Ellenar. Kærasta hennar til fjögurra ára, ljósmyndarinn Alexandra Hedison, hefur stefnt henni og krefst milljóna í bætur fyrir að hafa valdið sér skaða með því að hafa sagt sér upp og byrjað með De Rossi. Hedison sakar Portiu De Rossi um að hafa eyðilagt samband hennar og Ellenar. Bandarískir fjölmiðlar telja að Hedison eigi líklega talsverða möguleika á að vinna málið fyrir dómstólum en samkvæmt lögum sem eru í gildi í sumum ríkjum Bandaríkjanna er hægt að sækja til saka manneskju sem talin er hafa stolið maka annars.