Lyf í rúgbrauði

Nú eru allar líkur á því að Danir og aðrar þjóðir innan Evrópusambandsins geti sótt sér lyf í bakarí í stað apóteks. Það einskorðast þó eingöngu við lyf sem lækna eiga háa blóðfitu. Ástæðan er sú að í gær töpuðu Danir kosningu á Evrópusambandsþinginu þar sem önnur ríki kusu með því að leyfa slík lyf í tveimur gerðum af rúgbrauði. Fjölskyldu- og neytendamálaráðherra Danmerkur, Lars Barfeod, var eini ráðherrrann sem kaus á móti og rök hans voru þau að ekki ætti að setja fóðurbæti í matvæli og einnig sagði hann að fólk fengi flest nóg af þessum efnum.