Búist við jákvæðri rekstrarniðurstöðu hjá borgarsjóði

Hreinar skuldir borgarsjóðs Reykjavíkur hafa lækkað um 1,4 milljarða króna samkvæmt árshlutauppgjöri sem lagt var fyrir borgarráð í dag. Í tilkynningu frá borgarstjóra segir að rekstrarniðurstaða borgarsjóðs 30. september 2005hafi veriðjákvæð um 743milljónir króna, en samkvæmt útkomuspá verður niðurstaðan í árslok hagstæð sem nemur 549 milljónum.

Bætt afkoma verður einnig af rekstri samstæðu Reykjavíkurborgar. Áætlað var að halli á rekstri hennar yrði 1.029 milljóniren samkvæmt árshlutauppgjörinu er rekstrarniðurstaða samantekins reiknings borgarsjóðs og fyrirtækja í eigu Reykjavíkurborgar jákvæð umrúma sex milljarða.Í tilkynningunni segir að hagstæð gengisþróun hafimest afgerandi áhrif á þá niðurstöðu.