Miðasala á tónleika Katie Melua sem verða í Laugardalshöll 31. mars hefst á fimmtudag. Melua er ein vinsælasta söngkona heims um þessar mundir. Hún þykir einn helsti vonarneisti popp- og djasstónlistar og hefur þegar skipað sér í röð söluhæstu kvenna heims, aðeins 21 árs að aldri.
Miðasalan á tónleikana fer fram í Skífunni, BT á landsbyggðinni og á concert.is. Aðeins er selt í sæti og því verður takmarkað magn miða í boði.
