Avril þykir drykkfelld

Hin unga söngkona Avril Lavigne virðist vera nokkuð fyrir sopann þrátt fyrir að hafa ekki aldur til þess að drekka og hefur hún verið gagnrýnd fyrir þetta. Þegar kemur að drykkju segir Avril: "Ég er svona týpa sem vill bara verða blindfull ef ég fer á bari." Vinir stúlkunnar eru ekki nógu hrifnir af drykkjulátum Lavigne og segir ein vinkonan að Avril drekki einum of mikið. "Þegar hún verður full þá tryllist hún og breytist í brjálaðan partýsjúkling." Fáum þykir Avril þarna sýna góða fyrirmynd fyrir unga aðdáendur sína.