Erfitt að stjórna í minnihluta

Geir Haarde fjármálaráðherra segir að úrslitin komi ekki á óvart því norska stjórnin hafi lengi verið í fallhættu. "Það má kannski segja að útkoman hjá stærri stjórnarflokkunum, Kristilega þjóðarflokknum og Hægriflokknum, sé verri en menn áttu von á. Samt er þetta nokkuð jafnt. Það er erfitt að stjórna landi lengi í minnihluta og þurfa að reiða sig á flokk sem ekki er innanborðs. Kjell Magne Bondevik hefur mætt andstöðu Carls I. Hagen og Framfaraflokksins í kosningabaráttunni. Andstaða hans hefur aðeins hjálpað anstæðingum stjórnarinnar," segir Geir Haarde.