Moss samdi við Virgin útgáfuna

Breska ofurfyrirsætan Kate Moss hefur gengið frá auglýsingasamningi við fyrirtækið Virgin, aðeins þremur mánuðum eftir að kókaínhneyksli gekk næstum að ferli hennar dauðum. Þó nokkur fyrirtæki riftu samningum sínum við fyrirsætuna eftir að ljósmyndir birtust af henni í dagblaði að sniffa kókaín.

Skömmu síðar fór Moss í meðferð og virðist vera komin á beinu brautina á nýjan leik. "Kate Moss er gosögn í tískubransanum," sagði stjórnandi Virgin Mobile. "Við erum mjög ánægðir með að hún ætli að koma fram í næstu auglýsingu okkar." Auglýsingin verður birt í bresku sjónvarpi í fyrsta sinn á aðfangadagskvöld. Í henni mun Moss segja nokkur orð, sem hefur ekki gerst oft á hennar fyrirsætuferli.