Elton John giftir sig

Brúðkaup ársins í Bretlandi verður án nokkurs vafa þegar Elton John og David Furnish ganga að eiga hvorn annan þann 21. desember næstkomandi í Berkshire. Berkshire hefur áður komist í heimsfréttirnar fyrir hjónavígslu því þar gengu Karl Bretaprins og Camilla Parker Bowles í hjónaband.

Athöfnin sjálf verður mjög lítil en eingöngu móðir og stjúpfaðir Eltons auk foreldra Davids fá að vera viðstödd. Frá þessu öllu greinir götublaðið The Sun. Það verður þó engu til sparað þegar kemur að veislunni því sjö hundruð manns hefur verið boðið í Old Windsor villuna. Meðal þeirra sem hafa fengið boðskort eru stöllurnar Liz Hurley og Victoria Beckham auk Rod Stewart.