Valdamest í Hollywood

Julia Roberts er valdamesta konan í Hollywood samkvæmt nýrri úttekt Hollywood Reporter. Þessu áorkar hún þrátt fyrir að hún hafi verið utan sviðsljóssins í nokkurn tíma vegna barnauppeldis. Hún er jafnframt eina leikkonan í Hollywood sem getur krafist 20 milljóna dollara fyrir hverja mynd.

Þetta er í fjórða skipti í röð sem Julia er í fyrsta sæti í þessari könnun sem framkvæmd hefur verið af blaðinu í um 20 ár. Jennifer Aniston kemur ný inn á listann í tíunda sæti vegna nýlegrar velgengni. Þá hverfur Halle Berry af listanum að sögn vegna þess að hún hefur lítið vandað sig í vali á hlutverkum að undanförnu.