Tuttugu ára afmæli fagnað

Spaugstofan hélt upp á tuttugu ára starfsafmæli sitt í gær en hún hefur skemmt landsmönnum síðan 1985. Bauð hún af því tilefni velunnurum sínum til veislu í Þjóðleikhúskjallaranum. Mátti þar sjá marga af helstu ráðamönnum þjóðarinnar sem oftar en ekki hafa fengið á sig spaugilega mynd í greiningu þeirra Spaugstofumanna á málefnum líðandi stundar.

Vel fór á með grínurum og stjórnmálamönnum enda telja margir að það sé hinum síðarnefndu frekar til framdráttar en hitt að lenda í klónum á grínurunum.