Spennan magnast um þjóðarblómið

Nú fara að verða síðustu forvöð fyrir landsmenn að segja álit sitt á því hvert skuli verða þjóðarblóm Íslendinga. Frestur til að velja þjóðarblómið rennur út á föstudag, þann 15. október, eða eftir tvo daga. Valið stendur á milli sjö blóma: blágresis, blóðbergs, geldingarhnapps, gleym-mér-eijar, holtasóleyjar, hrafnafífu og lambagrass. Hægt er að kjósa á Netinu en einnig með því að senda kjörseðla sem birst hafa í Morgunblaðinu. Samkvæmt upplýsingum Landverndar hafa um 5.000 Íslendingar tekið þátt í valinu nú þegar.