Hringurinn þrengdur um þjóðarblóm

Sjö blóm hafa verið valin til úrslita í keppninni um sæmdarheitið ,,þjóðarblóm“ Íslendinga. Valið stendur á milli blágresis, blóðbergs, geldingarhnapps, gleym-mér-eyjar, holtasóleyjar, hrafnafífu og lambagrass, og fá landsmenn að kjósa um þau í skoðanakönnun næstu tvær vikur. Í frétt frá Landvernd segir að verkefnisstjórn um þjóðarblómið hafi komist að þeirri niðurstöðu að fimm blóm - blágresi, geldingarhnappur, holtasóley, hrafnafífa og lambagras -uppfylli þau viðmið sem sett voru. Þá hafi tveimur til viðbótar verið bætt inn samkvæmt ábendingum frá grunnskólunum en það eru blóðberg og gleym-mér-ei. Athygli vekur að hvorki eyrarrós né birki komast í lokaúrslit en ástæðan fyrir því að eyrarrós var hafnað er sögð sú að Grænlendingar hafi tileinkað sér hana sem sitt þjóðarblóm. Myndin er af blágresi.